گوجرانوالہ(نمائندہ خصوصی)کمشنر سید نوید حیدرنے گوجرانوالہ ایکسپریس وے پر واہنڈ و انٹر چینج کے قریب گوجرانوالہ چیمبر اسکوائر کا افتتاح کر دیا ہے، ایوان صنعت و تجارت کے تعاون سے تعمیر ہونے والے اس مانومنٹ کی افتتاحی تقریب میں ڈپٹی کمشنر گوجرانوالہ محمد طارق قریشی، صدر چیمبر آف کامرس ضیا الحق (شیخ فیصل ایوب) سمیت اعلی افسران، چیمبرا ?ف کامرس سے وابستہ شخصیات بھی شریک تھے۔ بعد ازاں کمشنر سید نوید حیدر شیرازی نے زیر تعمیر یونیورسٹی آف گوجرانوالہ کی سائٹ کا بھی دورہ کیا اور منصوبے پر جاری کام کا معائنہ کیا۔ کمشنرنے افتتاحی تقریب میں گفتگو کرتے ہوئے کہا کہ گوجرانوالہ ایکسپریس وے حکومت پنجاب کا گوجرانوالہ کے لئے شاہکار پراجیکٹ ہے جسے ساڑھے7ماہ کی قلیل مدت میں مکمل کر لیا گیا تھا۔