حافظ آباد:شہر کے مختلف مقامات سے 4موٹر سائیکلیں چوری 

حافظ آباد(نمائندہ نوائے وقت)حافظ آباد میں موٹر سائیکل چرائے جانے کی وارداتیں عروج پر پہنچ گئیں۔ نامعلوم چور مختلف مقامات سے 4افراد کے موٹر سائیکل چرالے گئے۔ محلہ شیر پورہ کے قلب عباس نے اپنی موٹر سائیکل گھر کے باہر کھڑی کی تونامعلوم چورلے گئے۔ دوسری واردات میں چورمحلہ بہاولپورہ سے لیاقت علی کی موٹر سائیکل چرالے گئے۔ تیسری واردات محلہ شریف پورہ میں ہوئی جہاں سے نامعلوم چورمحمداعظم کا موٹر سائیکل اسکی گلی سے چرالے گئے۔ چوتھی واردات بھی محلہ شریف پورہ میںہوئی جہاں سے چورثقلین عباس کا موٹر سائیکل چرالے گئے۔پولیس نے مقدمات درج کرلئے۔