گوجرانوالہ(نمائندہ خصوصی)گوجرانوالہ چیمبر آف کامرس اینڈ انڈسٹری کے آج کارپوریٹ کلاس کے انتخابات کیلئے میدان سجے گا۔ آج پولنگ صبح نو بجے سے شام پانچ بجے تک جاری رہے گی۔ ممبرزالیکشن کمیشن کے فرائض انور اسلم،شاہد بٹ اور خواجہ صائم  الحسن سرانجام دیں گے۔کارپوریٹ کلاس کے اس انتخاب میں 1069ووٹرز اپنا حق رائے استعمال کریں گے۔ سکیورٹی کے سخت ترین انتظامات کئے گئے ہیں۔پولنگ اسٹیشن پر 1600 پولیس اہلکار ڈیوٹی کے فرائض سرانجام دینگے۔دوسری جانب ون یونٹی اور بزنس گروپ اپنی جیت کے بلندوبانک دعوے کر رہے ہیں۔۔ کونسا گروپ کارپوریٹ کلاس میں کامیابی حاصل کرے گا۔اس کا فیصلہ ووٹرز اپنے ووٹ سے کریں گے۔