لاہور (سٹاف رپورٹر) شہر کے مختلف علاقوں میں چوری و ڈکیتی کی متعدد وارداتوں میں شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلوں اور گاڑیوں سمیت اور دیگر سامان لوٹ لیا گیا۔ تفصیلات کے مطابق سبزہ زار میں اظہار سے 2لاکھ 10ہزار اور موبائل فون۔لاری اڈا میں توصیف سے 2لاکھ روپے اور موبائل فون، فیکٹری ایریا میں زوہیب سے 2لاکھ روپے اور موبائل فون، باغبانپورہ میں رفیق سے ایک لاکھ 77 ہزار روپے اور موبائل فون، گوالمنڈی میں فرقان سے1 لاکھ 60 ہزار روپے اور موبائل فون، ماڈل ٹاون میں حماد سے 1لاکھ 45 ہزار نقدی اور موبائل فون، کاہنہ میں ارشد سے 50ہزار روپے موبائل فون اور دیگر سامان لوٹ لیا گیا۔ جوہر ٹاون اور لیاقت آباد سے گاڑیاں جبکہ ہنجروال بادامی باغ اور ملت پارک سے موٹرسائیکلیں چوری ہو گئیں۔