جنڈ( نامہ نگار ) تحصیل جنڈ کے گاؤں دکھنیر کی ہونہار اور قابل فخر بیٹی،ماہر تعلیم فخر عالم خٹک کی صاحبزادی عریشہ خٹک نے بین الاقوامی ینگ ڈپلومیٹ چوٹی کانفرنس میں شرکت کرکے پاکستان کا نام روشن کیا ہے۔اس عالمی سطح کی کانفرنس میں شرکت کے لیے دنیا بھر سے صرف 15 افراد کو منتخب کیا گیا تھا اور عریشہ خٹک کو یہ منفرد اعزاز حاصل ہوا کہ وہ پورے پاکستان سے واحد منتخب مندوب تھیں۔ کانفرنس میں عریشہ خٹک نے نہ صرف پاکستان کی نمائندگی کی بلکہ اپنے ملک کا نام بین الاقوامی سطح پر فخر سے بلند کیا عریشہ خٹک کی اس کامیابی پر پورے علاقے میں خوشی کی لہر دوڑ گئی ہے اور وہ وطن واپس پہنچنے پر شاندار استقبال کی حقدار ٹھہریں۔