امریکا کی جنوبی ریاست کینٹکی میں پیش آنے والے واقعے میں پولیس افسر نے معمولی تکرار کے بعد جج کو قتل کردیا۔
بین الاقوامی خبر رساں ادارے کی رپورٹ کے مطابق واقعے کے بعد کاؤنٹی لیچر کے پولیس افسر مِکی سٹائنز کو حراست میں لے لیا گیا ہے، جو امریکی عدالت میں جج پر فائرنگ کے واقعے میں ملوث ہے۔
پولیس ڈیپارٹمنٹ کے مطابق خط میں پولیس نے بتایا کہ امریکی عدالت میں مِکی سٹائنز اور 54 سالہ جج کیون مُلنز کے درمیان تکرار ہوئی، تاہم ابتدائی تحقیقات میں قتل کا اصل مقصد واضح نہیں کیا گیا ہے۔
کینٹکی کے گورنر اینڈی بیشیئر نے ایکس پر پوسٹ شیئر کرتے ہوئے لکھا کہ افسوس کے ساتھ کہنا پڑرہا ہے کہ مجھے اطلاع دی گئی ہے کہ دوپہر کے وقت جج کو فائرنگ کر کے ان کے چیمبر میں قتل کر دیا گیا ہے۔
اُن کا اپنی پوسٹ میں مزید کہنا تھا کہ اس دنیا میں بہت زیادہ تشدد ہے، دعاگو ہوں کہ بہتر مستقبل کے لیے کوئی راستہ نکلے۔
واضح رہے کہ اسلحے کے ذریعے تشدد کے واقعات امریکہ میں کوئی نئی بات نہیں ہے، یہ ایک ایسا ملک ہے جہاں لوگوں کی تعداد سے زیادہ اسلحہ موجود ہے۔