پیپلزپارٹی شیرپاؤ گروپ کے صوبائی نائب صدراورسابق ممبر خیبر پختونخواہ اسمبلی عالم زیب عمرزئی تھانہ سٹی چارسدہ کی حدود میں سوئی گیس کے دفتر کے سامنے کھڑے تھے کہ نامعلوم افراد نے ان پراندھا دھند فائرنگ کردی جس کے نتیجے میں عالم زیب عمر زئی سمیت پانچ افراد جاں بحق ہوگئے ۔ جاں بحق ہونیوالوں میں محکمہ سوئی گیس کا ایک افسراورایف سی اہلکاربھی شامل ہے ۔ واقعہ کے بعد ملزم فرار ہو گئے ۔ پولیس نے موقع پرپہنچ کر لاشوں کو اپنی تحویل میں لے لیا ۔ عالم زیب کی ہلاکت کے بعد شہر خوف و ہراس اور کشیدگی پائی جاتی ہے ۔