لاہور(سپورٹس رپورٹر) پاکستان کرکٹ بورڈ کی سلیکشن کمیٹی کا دو روزہ اجلاس آج لاہور میں زیر صدارت اقبال قاسم شروع ہوگا۔ اجلاس میں کمیٹی کے ارکان انڈر 19، پاکستان اے ٹیم کے ساتھ ساتھ آئی سی سی چیمپئنز ٹرافی کے لیے 15 رکنی سکواڈ کو حتمی شکل دیں گے۔ سلیکشن کمیٹی کے ارکان اجلاس میں سنٹرل کنٹریکٹ کے کھلاڑیوں کے ناموں پر بھی از سر نو جائزہ لینگے جو پہلے سے چیئرمین پی سی بی چوہدری ذکاءاشرف کے حوالے کر چکے ہیں۔ ذرائع کے مطابق سلیکشن کمیٹی لاہور میں اپنے قیام کے دوران پی سی بی میڈیکل ٹیم سے بھی ملاقات کر کے کھلاڑیوں کی فزیکل فٹنس رپورٹ حاصل کر کے اس کی روشنی میں چیمپئنز ٹرافی کے سکواڈ کو منتخب کیا جائے گا۔