لاہور(سپورٹس رپورٹر)پاکستان ہاکی فیڈریشن نے ٹیلنٹ ہنٹ پروگرام کے نظر ثانی شدہ شیڈول جاری کردیا ۔پاکستان ہاکی فیڈریشن کے سیکرٹری رانا مجاہد علی کے مطابق اب22 اپریل کو کوئٹہ میں24 اور پچیس25 کو کراچی میں 26 اپریل کو بہاولپور 27 اور 28 اپریل کو لاہور میں جبکہ 29 اپریل کو پشاور میں اوپن ٹرائلز کا اہتمام کیا جائے گا۔ سلیکشن کمیٹی کے سربراہ اصلاح الدین ، ممبران ارشد چودھری ، ایاز محمود ، مصدق حسین اور خالد بشیر ٹرائلز کا معائنہ کریں گے۔ بعد میں ممکنہ کھلاڑیوں کا تربیتی کیمپ لاہور میں لگا یا جائے گا۔