راولپنڈی(سپورٹس ڈےسک )سپیشل کمیونیکیشنز آرگنائزیشن (ایس سی او)نے حالیہ ورلڈ ونٹراسپیشل اولمپکس گیمز میں میڈل جیتنے والے گلگت بلتستان سے تعلق رکھنے والے کھلاڑی بچوں کے اعزاز میں خصوصی دعوت کا اہتمام کیا۔ کوچ امینہ بیگ کے ہمراہ سلور میڈلسٹ(سنو شوئنگ) پرویز احمد ،برونز میڈلسٹ (سکینگ )حمیزالدین،برونز میڈلسٹ(سکینگ) تہمینہ منیراور ایس سی او کی برانڈ ایمبیسیڈر اورایورسٹ کلائمبر مس ثمینہ بیگ بھی تقریب میں شریک ہوئیں۔اس موقع پر شرکاءسے خطاب کرتے ہوئے ڈائریکٹر جنرل ایس سی او میجر جنرل عامر عظیم باجوہ نے کہا کہ قوم اپنے ملک کی عزت اور شہرت کا باعث بننے والے ان ہونہار بچوں پر فخر کرتی ہے۔ انہوں نے اس عزم کا اظہار کیا کہ ایس سی او علاقے میں سپورٹس کے فروغ کیلئے کوشاں رہے گی۔ آخر میں ڈی جی ایس سی او نے سپیشل اولمپکس گیمز میں اعلیٰ کارکردگی کا مظاہرہ کرنے والے بچوں کو نقد انعامات اور تحائف دئیے۔