لاہور (نمائندہ سپورٹس )قومی کرکٹ ٹیم کے کپتان سرفراز احمد نے کہا کہ انگلینڈ کیلئے سکواڈ ینگ کھلاڑیوں پر مشتمل ہے،جن سے اچھی اور فریشن پرفارمنس کی امید ہے۔فواد عالم کو نظر انداز کئے جانے کے سوال پر سرفرازاحمد کا کہنا تھاکہ انہیں کیمپ میں بلایا ہی اچھی پرفارمنس کی بنیاد پر تھا لیکن وہ 2009 سے ٹیسٹ نہیں کھیلے، ٹیم کا جو مومنٹم ہے اسے چھیڑنا مناسب نہیں تھا،فواد کو اگلے ٹورز میں موقع دیا جاسکتا ہے۔انہوں نے مزید کہا کہ 25 کھلاڑیوں میں سے ٹیم بنانی تھی، ٹیم سب کی مشاورت سے بنائی گئی ہے، اس کی سلیکشن میں سب شامل تھے،25 کھلاڑیوں میں کوئی مسئلہ نہیں تھا، وہ ٹیم کا حصہ ہیں۔سرفراز کا مزید کہنا ہے کہ امید ہے دورہ انگلینڈ میں ٹیم اچھا پرفارم کرے گی، دیکھیں گے انگلینڈ میں سپنر کو استعمال کرنا بھی ہے یا نہیں۔انہوں نے یہ بھی کہا کہ آئر لینڈ سے امید ہے اچھا میچ ہو گا، نوجوان ٹیم ہے، امیدیں بہت زیادہ ہیں، اگر 300 رنز بنا لیں تو ہماری بولنگ دوسری ٹیم کو پکڑ سکتی ہے۔ انگلینڈ کے دورے میں ینگ ٹیم لے کر جا رہے ہیں، امید ہے سب اچھے رزلٹ دیں گے، سلیکشن کسی کی پسند یا نا پسند کی بنیاد پر نہیں ہوئی ، انگلینڈ کی کنڈیشنز پاکستان کیلئے ہمیشہ سے مشکل رہی ہیں تاہم ٹیم اچھا پرفارم کرنے کی کوشش کرینگے۔کوشش کر رہے ہیں کہ ٹیم کو زیادہ سے زیادہ اعتماد دیا جائے ، ٹیم میں اچھے سے اچھے کھلاڑی کو شامل کیا جائے۔ انہوں نے کہا ٹیم کی اچھی سلیکشن ہوئی ہے، ٹیم سلیکشن کے لیے سب کی رائے شامل ہوتی ہے۔ نوجوان کھلاڑی اچھی کارکردگی کے لیے پرعزم دکھائی دیتے ہیں۔ انہوں نے کہا 25 کھلاڑیوں میں سے ٹیم بنانی تھی ، فواد کو کیمپ میں بلایا تھا لیکن سب کی کارکردگی کو دیکھ کر سلیکشن کی، فواد عالم نے آخری بار 2009 میں ٹیسٹ میچ کھیلا تھا۔ میرا بس چلتا تو تمام 25 کھلاڑیوں کو اپنے ساتھ انگلینڈ لے جاتا۔ سب نے مل ٹور کی ضرورت کے مطابق بہترین کمبی نیشن بنایا، ہمیشہ ایسا ہی ہوتا ہے کہ کچھ منتخب ہوجاتے ہیں اور دیگر نہیں ہوتے،ایسا نہیں کہ جو اب منتخب نہیں ہوا،آئندہ بھی نہیں ہوگا،نوجوان کھلاڑیوں کو تسلسل کیساتھ مواقع دے رہے ہیں۔ شاداب کے پاس لیگ سپن اور گگلی ہے،اس لئے منتخب کیا،وہاں سردی بہت ہے یہ بھی دیکھنا ہوگا کہ سپنر کھلاتے بھی ہیں یا نہیں،حارث سہیل اور اسد شفیق بھی بطور سپنر ٹیم کے کام آسکتے ہیں۔انگلینڈ میں قبل ازوقت جانے اور ٹور میچ کھیل کر کنڈیشنز سے بہتر انداز میں ہم آہنگ ہوسکتے ہیں، ناتجربہ کار ٹیم ہے مگر اس کو اعتماد دینے کی کوشش کررہے ہیں۔