میرپور خاص: کار اور رکشہ میں تصادم، 3 خواتین سیمت 4 افراد جاں بحق، 6 زخمی

میرپور (نوائے وقت نیوز) میر پور خاص میں کار اور رکشے کے درمیان تصادم میں 3 خواتین سمیت 4 افراد جاں بحق اور 6 زخمی ہوگئے۔ پولیس کے مطابق حادثہ دس میل سٹاپ کے قریب ہوا ،جس میں2افراد موقع پر ہی جاں بحق اور 8 افراد زخمی ہوئے۔ زخمیوں کو ہسپتال منتقل کیا گیا جہاں دو افراد نے دم توڑ دیا جبکہ دو بچوں اور ایک خاتون سمیت چھ افراد ہسپتال میں زیر علاج ہیں۔ پولیس نے حادثے کی تحقیقات شروع کر دی ہے۔