پیٹرنز ٹرافی گریڈ II کا تیسرا راونڈ آج سے شروع ہوگا

لاہور(سپورٹس رپورٹر) پیٹرنز ٹرافی گریڈ II کا تیسرا راونڈ آج سے ملک کے مختلف آٹھ سنٹرز میں شروع ہوگا۔ حیدری ٹریڈرز کا مقابلہ سی اے اے سے یو بی ایل سپورٹس کمپلیکس کراچی میں ہوگا۔ عمر ایسوسی ایٹس کا مقابلہ نیوی سے این بی پی سٹیڈیم کراچی میں، کینڈی لینڈ کا مقابلہ ایچ ای سی ٹیم سے رانا نوید الحسن اکیڈمی شیخوپورہ میں، پورٹ قاسم کا مقابلہ غنی گلاس سے اقبال سٹیڈیم فیصل آباد، آرمی اور پی آئی اے ٹیمیں آرمی کرکٹ گراونڈ روالپنڈی میں آمنے سامنے ہونگی۔ سٹیٹ بنک اور پی اے ایف کا مقابلہ ڈائمنڈ گراونڈ اسلام آباد، ریلویز کا مقابلہ کے الیکٹرک سے ریلوے سٹیڈیم لاہور، صابر پولٹری کا مقابلہ کے پی ٹی سے ایل سی سی اے گراونڈ لاہور میں ہوگا۔