شیخوپورہ(نمائندہ نوائے وقت)پک اپ وین کی ٹکر لگنے سے موٹر سائیکل سوار ٹریکٹرٹرالی کے نیچے آکر کچلے گئے، تفصیلات کے مطابق کرلکے مینارہ سٹاپ حافظ آباد روڑ پر پک اپ وین نے موٹر سائیکل کو ٹکر مار دی جس کے باعث موٹر سائیکل پر سوار 2بچے، مرد اور خاتون گر کر پیچھے سے آنے والی ٹریکٹر ٹرالی کے نیچے آگئے، حادثے میں موٹر سائیکل پر سوار مرد موقع پر جاں بحق ہو گیا جبکہ خاتون اور بچے زخمی ہوگئے، ریسکیو شیخوپورہ نے موقع پر پہنچ کر زخمیوں کو طبی امداد اور ہسپتال منتقل کیا جہاں خاتون زخموں کی تاب نہ لاتے ہوئے جاں بحق ہوگئی تاہم جاں بحق اور زخمی ہونے والوں کی شناخت نہیں ہو سکی۔