عثمان قادر نے 9 ٹی ٹونٹی میچز میں زیادہ وکٹیں لینے کا ملکی ریکارڈ برابرکردیا

 ملتان (سپورٹس ڈیسک) قومی ٹیم کے لیگ سپنر عثمان قادر نے 9 ٹی ٹونٹی میچز میں زیادہ وکٹیں لینے کا ملکی ریکارڈ برابرکردیا۔ عثمان قادر اب تک 9 ٹی ٹونٹی میچز میں 13.50 کی اوسط سے 17 وکٹیں اپنے نام کرچکے ہیں جو پاکستان کی جانب سے اتنے ٹی ٹونٹی میچز کے بعد کسی بھی بائولر کی جانب سے مشترکہ طور پر حاصل کی جانے والی سب سے زیادہ وکٹیں ہیں۔عثمان قادر کے علاوہ سابق فاسٹ بائولر محمد سمیع نے بھی اپنے پہلے 9 ٹی ٹونٹی میچز میں 15.5 کی اوسط سے 17 وکٹیں لی تھیں۔ اس فہرست میں سابق آف سپنر سعید اجمل 12.50 کی اوسط سے 16 وکٹیں لے کر دوسرے نمبر پر موجود ہیں۔