کراچی(اسپورٹس رپورٹر) گریس رمضان سپر لیگ سکس اے سائیڈ کرکٹ ٹورنامنٹ جو کہ گریس فل گرامر ہائیر سیکنڈری اسکول اور ال عابد ایجوکیشنل سوسائٹی  بلدیہ ٹاؤن کے زیر اہتمام کھیلا گیا جس میں 16 ٹیموں نے حصہ لیا جس میں گریس اسٹارز اور صاحب اسٹار نے فائنل کے لیے کوالیفائی کیا۔ فائنل بیسٹ آف تھری کی بنیاد پر کھیلا گیا فائنل میں گریس اسٹارز نے صاحب اسٹار کو2-0 سے شکست دے کر ٹورنامنٹ جیت لیا۔ اختتامی تقریب کے مہمان خصوصی رکن سندھ اسمبلی ملک شہزاد اعوان تھے۔ انہوں نے نوجوانوں کو اسی طریقے سے صحت مندانہ سرگرمیاں جاری رکھنے اور ان کی حوصلہ افزائی کے لیے ہمیشہ تعاون کا یقین دلایا اور کہا کہ حکومت میں آتے ہی علاقے کے گراؤنڈز کو آباد کیا جائے گا اور گراؤنڈز کو بنیادی سہولتیں فراہم کی جائیں گی آخر میں انہوں نے رمضان المبارک میں شاندار ٹورنامنٹ منعقد کرنے پر دی گریس فل گرامر ہائیر سیکنڈری اسکول، ال عابد ایجوکیشنل سوسائٹی اور ٹورنامنٹ ڈائریکٹر محمد سلیم کا شکریہ ادا کیا اور جیتنے والی ٹیم میں انعمات تقسیم کیے۔