کراچی (اسپورٹس رپورٹر ) دنیا بھر کے معاشروں میں کھیلوں کا کردار اور اثر ترقی اور امن کے قیام کے حوالے سے صدیوں سے بحث موضوع رہا ہے یہ بات زوہیب جے جا بیرو چیف جی ٹی وی کراچی اوڈیسی اور اسپورٹس ڈیپارٹمنٹ گورنمنٹ آف سندھ کے زیر اہتمام امن اور اہم آہنگی کو فروغ دینا کھیل امن کو فروغ دینے کا ایک ذریعہ ہیں کے موضوع پر بحیثیت مہمان خصوصی میرٹ ہوٹل کراچی میں ایک روزہ سیمینار سے خطاب کرتے ہوئے کہی اس موقع پر پاک سرزمین پارٹی کے رہنما محمد عرفان خان،آل برادری قومی موومنٹ پاکستان کے بانی و چیئرمین اخلاق سونی، عاطف سدھو،محمد اسلم،کاشف امین،محمد طلحہ خان،قلب حسین،محمد قاسم،زغم خان،حمیرا شیخ، محمد سلیٹ خان، خصوصی طور پر اسلام آباد سے آئے ہوئے اسپیشل گیسٹ ڈاکٹر فاروق سلمان،آفتاب شیخ،رانا شمشاد،سیف اللہ نیازی،رانا اعجاز شفیع،صادق ملک اور ڈیڑھ سو سے زیادہ طلباء طالبات نے شرکت کی۔سیمینار کے اختتام پر مہمان خصوصی اسپیشل گیسٹ اوڈیسی کی جانب سے شلیڈز، اجرک اورکے گلدستے پیش کیے گئے۔