منڈی صادق گنج (نمائندہ نوائے وقت) گندم گلی ٗ محلوں ، ڈیروں ، گھروں میں ذخیرہ ٗپاسکو افسران کی مبینہ ملی بھگت سے کاروائیاں نہ ہونے کے برابر ، تاحال سرکاری خریداری نہ ہونے برابر ٗگندم کی ذخیرہ اندوزی کا عمل کامیابی سے جاری ہے ، پاسکو سنٹرز کیلئے گندم کی خریداری کا عمل انتہائی سست روی کا شکار ہے۔گزشتہ سال کی طرح گندم کے ریٹس میں اضافے کے پیش نظر اس بار زمینداروں نے گندم تاجروں کو دینے کی بجائے خود ذخیرہ کر رکھی ہے زمینداروں نے شہر میں موجود گلی محلوں اور مکانوں سمیت دوکانوں میں گندم ذخیرہ کر رکھی ہے شہر کے گردونواح کے دیہات بھیڈ والا ، نیلیانوالی ، مٹ والا ، مدھانی والا ، کونہ ، دب والا ، چوڑی والا ، ہرن والا ، بیر والا سمیت دیگر دیہاتوں  میں ہر زمیندار کے ڈیرے پر گندم کی بڑی مقدار کے ذخیرے موجود ہیں۔