لاہور(یواین پی)انجریز نے انگلینڈ میں بھی نسیم شاہ کا پیچھا نہ چھوڑا، کندھے کی انجری کا شکار پاکستانی پیسر ایک ماہ کیلئے میدان سے دور رہنے پر مجبور ہونگے ۔ رواں سال کاؤنٹی سیزن کیلئے نسیم شاہ کو گلوسٹرشائر کی ٹیم میں شامل کیا گیا تھا،ایکسٹر یونیورسٹی کیخلاف وارم اپ میچ میں انھوں نے صرف 2اوورز کیے،اسکے بعد کاؤنٹی کرکٹ کی ڈویژن ون چیمپئن شپ میں پہلا میچ کھیلا،مگر صرف پہلی اننگز میں بولنگ کرتے ہوئے 11اوورز میں 41رنز د کر ایک وکٹ حاصل کی، کندھے کی انجری کا شکار ہونے کی وجہ سے وہ دوبارہ ایکشن میں نظر نہیں آسکے۔گذشتہ روز گلوسٹر شائر مینجمنٹ نے تصدیق کی کہ نسیم شاہ کاؤنٹی چیمپئن شپ کے اگلے 4میچز کیلئے بھی دستیاب نہیں ہوں گے،پیسر کی فٹنس کے معاملے میں پی سی بی سے مشاورت کے بعد فیصلہ کیا گیا کہ کام کے بوجھ کا خیال کرتے ہوئے فی الحال ان کو میدان میں اتارنا مناسب نہیں ہوگا۔