گولڈ میڈل جیتنے پر قومی ٹیم کو 50لاکھ روپے انعام دونگا: اسد حنیف

لاہور(سپورٹس رپورٹر)قومی کھیل کی بہتری اور کھلاڑیوں کی بھر پور سپورٹ کے لئے پاکستان ہاکی فیڈریشن کے شانہ بشانہ کھڑے ہیں،قومی ٹیم نے اذلان شاہ ہاکی کپ ٹورنامنٹ جیتا تو 50لاکھ روپے کی انعامی رقم دی جائیگی۔ہاکی کے شیدائی قومی ٹیم کو سپورٹ کریں،ان خیالات کا اظہار حویلی ریسٹورنٹ کے چیف ایگزیکٹو اسد حنیف نے عبدالستار ایدھی ہاکی سٹیڈیم پر جاری قومی ہاکی ٹیم کے تربیتی کیمپ کے دورے کے موقع پر میڈیا سے بات چیت میں کیا۔ انہوں نے نا صرف قومی ٹیم کا پریکٹس میچ دیکھا بلکہ کیمپ آفیشلز اور کھلاڑیوں سے ملاقات بھی کی اور انہیں اپنے کھیل پر فوکس رکھنے اور اذلان شاہ ہاکی ٹورنامٹ میں سبز ہلالی پرچم سربلند کرنے کی تلقین بھی کی۔ پاکستان ہاکی فیڈریشن کے سیکرٹری سید حیدر حسین، قومی ٹیم کے ہیڈ کوچ اولمپئن ایاز محمود، کوچز اولمپئن ریحان بٹ، اولمپئن محمد ثقلین، اولمپئن وسیم فیروز، سلیکشن کمیٹی کے چیئرمین کلیم اللہ اراکین کمیٹی اولمپیئنز ناصر علی، رحیم خان، انٹرنیشنل لئیق لاشاری سمیت دیگر عہدیدار گلفراز خان،خالد جونیئر، کرنل (ر) اعظم، اعجاز الدین،ایم سلمان، خالد کھوکھرانٹر نیشنل، انور فاروقی،محسن علی خان،ایم زبیر اور دیگر بھی موجود تھے۔