امیدواروں کی جانب سے پولنگ ایجنٹس کیلئے پر تکلف ناشتے کااہتمام  

لاہور( این این آئی)ضمنی انتخابات میں امیدواروں کی طرف سے ووٹنگ کے دوران پولنگ ایجنٹس کی ذمہ داریاںنبھانے والوں کیلئے پر تکلف ناشتے کا اہتمام کیا گیا ۔امیدواروں کی طرف سے نہ صرف پولنگ ایجنٹس بلکہ انتخابی مہم میں سر گرم رہنے والے رہنمائوں اورمتحرک سپورٹرز کوبھی ناشتے کی دعوت دی گئی جن کی حلوہ پوری ، سری پائے ، نان چنے ،پراٹھے ،چائے او رلسی سے تواضع کی گئی ۔ ناشتے کے بعدپولنگ ایجنٹس کو ووٹنگ کے عمل کے حوالے سے دی گئی تربیت بارے دوبارہ آگاہی دی گئی ۔علاوہ ازیں امیدواروں نے پولنگ کا آغاز ہونے سے قبل حلقے کے مقامی رہنمائوں اور متحرک کارکنوں سے مشاورت بھی کی اور ووٹروں کو گھروں سے نکالنے کی حکمت عملی زیر غور آئی۔