ضمنی انتخابات ،امیدواروںنے صبح کا آغاز مساجد میں نمازفجر سے کیا  

لاہور( این این آئی)ضمنی انتخابات میں حصہ لینے والے امیدواروں نے اپنی صبح کا آغاز مساجد میں نماز فجر کی ادائیگی سے کیا اور اپنی کامیابی کیلئے خصوصی دعائیں بھی کرائیں ۔ امیدواروں کے گھروں سے نکلتے وقت بھی اہل خانہ اورعزیز و اقارب نے کامیابی کیلئے دعائیں مانگی جبکہ اس موقع پر صدقات بھی دئیے گئے ۔ کئی امیداروں کی جانب سے کالے بکرے صدقہ کئے گئے ۔امیدواروں کی اکثریت نے اپنے اہل خانہ اور سپورٹروں کے ہمراہ اولیائے کرام کے مزارات پر بھی حاضری دے کر اپنی کامیابی کیلئے دعائیں مانگیں۔