سعودی عرب کے متعدد شہروں میں  گرد و غبار کا طوفان،حد نگاہ متاثر

مدینہ منورہ(این این آئی)مدینہ منورہ سمیت سعودی عرب کے متعدد شہروں میں گرد و غبار کے طوفان کے باعث معمولات زندگی متاثر ہوئے ۔غیرملکی میڈیا کے مطابق گرد و غبار کے باعث حدِ نگاہ متاثر ہوئی ہے، جنوبی شہر محایل، رجال المع، نجران، بیشہ اور جازان میں اسکول بند کردیے گئے ہیں۔مقامی محکمہ موسمیات نے ہائی ویز پر تیز ہوا چلنے کی بھی پیشگوئی کی ہے۔