کراچی (نیٹ نیوز)کراچی میں بانی تحریک انصاف (پی ٹی آئی) عمران خان کی رہائی کیلئے ریلی نکالی گئی۔ریلی کے دوران مختلف مقامات پر پولیس اور ریلی کے شرکا  میں آنکھ مچولی دیکھنے میں آئی۔ سڑک بلاک کرنے کے الزام میں 23 کارکن گرفتار کرلیے گئے جبکہ کراچی کی مصروف ترین شاہراہ فیصل کا ایک ٹریک دو گھنٹے کیلئے بند رہا۔پولیس سے مذاکرات کے بعد ریلی شہید ملت روڈ سے ہوتی ہوئی مزارقائد پر پہنچ کر ختم ہوگئی۔ریلی سے خطاب میں رہنما پی ٹی آئی شیر افضل مروت نے کہا کراچی میں پی ٹی آئی کا مینڈیٹ چوری کرکے ایم کیو ایم کو دیا گیا، بانی پی ٹی آئی کی رہائی تک احتجاج جاری رہے گا۔