راولپنڈی(محبوب صابر /جنرل رپورٹر)نیا تعلیمی سال شروع ہو چکا والدین اورطلبہ وطالبات کو نصاب کی مختلف کتب نہ ملنے سے مشکلات پیش آ رہی ہیں، کچھ کلاسوں کی کتابیں مارکیٹ میں دستیاب نہیں ، کچھ روز قبل کلاس چہارم کی اسلامیات اور معاشرتی علوم کی کتاب دستیاب نہ تھی اس وقت اسلامیات کی کتاب آ چکی جبکہ معاشرتی علوم کی کتاب نہیں مل رہی سٹیشنری کی دکان والوں کا کہنا ہے چند روز بعد آ جائے گی اسی طرح کلاس اول، دوئم، سوئم  کے ساتھ ساتھ کلاس پنجم، ششم ہفتم،نہم اور دہم کی کچھ کتب دستیاب نہ تھیں اب آ چکی ہیں لیکن والدین کا کہناہے کہ جو نصاب کی کتابیں نہیں مل رہیں وہ مہیا کیا جائیں تاکہ طلبہ و طالبات کی تعلیم پر کوئی اثر نہ پڑے اور دل جوئی سے تعلیم حاصل کر سکیں، نئی کلاسوں کی کتابیں، کاپیاں خریدنے کیلئے سٹیشنری کی دکانوں پر رش لگا ہے، کاپیوں کی قیمتوں میں بھی گزشتہ سال کی نسبت اضافہ دیکھنے میں آ رہا ہے، اکثر سکولوں میں موجود دکانوں پر بھی کھانے پینے کی اشیا اور کتابیں، کاپیاں مہنگی فروخت کی جاتی ہیں.۔