عوام کو زمین پر ماحولیاتی آلودگی اور دیگر مسائل کے بارے میں آگاہی دینے کے لیے ورلڈ ارتھ ڈے آج منایا جا رہا ہے۔
دنیا کے سب سے بڑے سرچ انجن گوگل نے بھی اس آگاہی مہم کا حصّہ بننے کے لیے اپنا خصوصی ڈوڈل جاری کیا ہے۔
گوگل کی جانب سے آج ورلڈ ارتھ ڈے کی مناسبت سے جاری کیے گئے ڈوڈل میں دنیا کے کچھ ایسے مقامات کو نمایاں کیا گیا ہے جہاں کی کمیونٹیز اور حکومتیں مسلسل کرہ ارض کی قدرتی خوبصورتی اور وسائل کے تحفظ میں مدد کے لیے کام کرتی نظر آتی ہیں۔
یہ نیا ڈوڈل اس بات کی یاد دہانی کرواتا ہے کہ موسمیاتی بحران اور ماحولیاتی نظام کو نقصان پہنچانے والے عوامل سے نمٹنے کے لیے ابھی بہت کچھ کرنا باقی ہے۔
