حافظ آباد(نمائندہ نوائے وقت)کبڈی پنجاب کی ثقافت کا اہم ترین حصہ ہے۔ ان خیالات کااظہار چیئرمین ڈسٹرکٹ پریس کلب چودھری امتیازتاج ڈسٹرکٹ کبڈی ایسوسی ایشن کے نومنتخب عہدیداران کی حلف برداری تقریب سے خطاب کے دوران کیا۔ تقریب میں مسلم لیگ ن کے سٹی صدر خالد محمود بٹ اورسابق صدرپریس کلب حامدتسکین حجازی سمیت ضلع بھر کے کبڈی کے کھلاڑی اور معززین شہر کی کثیر تعداد بھی موجود تھی۔ نومنتخب عہدیداران میں صدر میاں احمد ہارون،جنرل سیکرٹری اقبال علامہ،نائب صدور میاں فیصل سرائ، عبدالجباررضاانصاری،سیکرٹری اطلاعات اُستادافضل، فنانس سیکرٹری جاویداسدجبکہ حافظ ممتاز نعیم سلطانی سرپرست شامل ہیں۔