عید کے پرمسرت موقع پر غریبوں کو بھی یاد رکھا جائے‘ بلاول

اسلام آباد (نمائندہ خصوصی) پاکستان پیپلز پارٹی کے چیئرمین بلاول بھٹو زرداری نے پاکستان سمیت دنیا بھر کے مسلمانوں کو عیدالاضحیٰ کی مبارکباد دی ہے۔ اپنے پیغام میں انہوں نے زور دیا کہ خوشی کے اس پرمسرت موقعے پر اپنے غریب و نادار بھائیوں و بہنوں کو بھی یاد رکھا جائے اور اللہ تعالیٰ کی عطا کردہ نعمتوں میں انہیں بھی شامل کریں۔ انہوں نے کہا کہ عید کے موقعے پر ہمیں وہ شہدائ￿ بھی یاد آتے ہیں، جنہوں نے عسکریت پسندوں اور انتھاپسندوں کے خلاف لڑتے ہوئے اپنی جانوں کی قربانیاں دیں۔ آج ہم ان شہدائ￿ ہی کی قربانیوں کے باعث عید کی خوشیاں منانے کے قابل ہیں۔ ہم ان کے قرضدار ہیں۔ بلاول بھٹو زرداری نے کہا کہ عیدالاضحیٰ عظیم مقصد کی خاطر قربانی کے لیئے آمادہ ہونا ہے۔ آئیے اس موقعے پر اس عزم کا اعادہ کریں کہ اپنی ذات سے بالاتر ہوکر ایک بڑے کاز کی جستجو کریں۔ اللہ تعالیٰ، عیدالاضحیٰ کی سعادتیں و برکتیں آپ پر عنایت فرمائے۔