لاہور (نوائے وقت رپورٹ) صدر مسلم لیگ ن شہباز شریف نے حج اور عیدالاضحی کے موقع پر اپنے پیغام میں کہا ہے عید کی خوشیوں میں ہمیں غریب اور دیگر ہم وطنوں کا بھی خیال رکھنا ہے۔ عیدالاضحی مسلمانوں میں قربانی کا جذبہ پیدا کرتی ہے۔ قربانی کا یہ عظیم جذبہ دین اسلام کی میراث ہے، زندگی کے ہر شعبے میں قربانی دینا اہم ہے۔ قربانی کا جذبہ ہمیں انسانیت کے قریب لے کر جاتا ہے۔ پاکستان کی تاریخ قربانیوں کی لازوال داستانوں سے بھری ہوئی ہے۔