ورلڈ جونیئرانڈر16- سنوکر : پاکستانی کیوسٹس ناک آئوٹ رائونڈ میں پہنچ گئے

اسلام آباد ( سپورٹس رپورٹر) روس کے شہر ٹیومن میں جاری آئی بی ایس ایف ورلڈ جونیئرانڈر16- سنوکر چیمپیئن شپ میں پاکستانی جونیئر کیوسٹس نے اپنے گروپس میں تین تین میچز جیتنے کے بعد ناک آئوٹ رائونڈ کیلئے کوالیفائی کر لیا۔ پاکستان کے 14سالہ حمزہ الیاس اور محمد عمر خان نے چیمپیئن شپ کے دوسرے روز ببھی اپنے میچز جیت لئے۔ پاکستان بلیرڈز اینڈ سنوکر ایسوسی ایشن ( پی بی ایس اے)کے ڈائریکٹر ٹیکنیکل نوید کپاڈیہ کے مطابق پاکستان کے حمزہ الیاس خان نے دوسرے روزاپنے گروپ کے تیسرے میچ میں روس کیآئیدر خاریشوف کو 3-1سے شکست دی، سکور یہ رہا: (66-10,61-34, 29-46, 55-14) جبکہ پاکستان کے دوسرے کیوسٹ محمد عمر خان نے روس کے ولینٹین ٹرینٹ جوف کو 3-0سے شکست دی ۔ سکور یہ رہا: (62-26, 71-2, 64-7)دونوں کیوسٹس نے ناک آئوٹ رائونڈ کیلئے کوالیفائی کر لیا۔ آج پاکستان کے محمد عمر خان روس کے الیگزینڈر ٹورچنسکی سے جبکہ حمزہ الیاس ، بھارت کے شری یانش ڈیشلاہاراسے میچ کھیلیں گے۔