اسلام آباد(نا مہ نگار)قراقرم انٹرنیشنل یونیورسٹی ایفلییشن کمیٹی نے ڈگری کالج فار بوائز سکردو کو بی ایس چارسالہ پروگرامز شروع کرنے سے متعلق ایفلییشن دے دی۔فوکل پرسن ایفلییشن کمیٹی نعمان بٹ نے بتایا کہ قراقرم انٹرنیشنل یونیورسٹی ایفلییشن کمیٹی کو ڈگری کالج فار بوائز سکردو کی جانب سے بی ایس پروگرامز کو الحاق کرنے سے متعلق درخواست دیاتھا۔جس پر قراقرم یونیورسٹی کے وائس چانسلر پروفیسر ڈاکٹر عطاء اللہ شاہ کے سربراہی میں کمیٹی نے کالج کا تفصیلی دورہ کیا۔دورے کے دوران کمیٹی نے بی ایس پروگرامز شروع کرنے سے متعلق ضروری لوازمات ،انتظامات اور اہلیت کی جانچ پڑتال کیا۔جانچ پڑتال کے بعد کمیٹی نے تفصیلی رپورٹ قراقرم یونیورسٹی کے وائس چانسلر پروفیسر ڈاکٹر عطاء اللہ شاہ کو پیش کردی ۔جس پروائس چانسلر نے کالج کے بی ایس چارسالہ پروگرامز کو الحاق کرنے کی منطوری دی۔