نکولس بزنز چین میں امریکی سفیر نامزد 

واشنگٹن (شنہوا) وائٹ ہاؤس کے مطابق صدر جوبائیڈن نے ہاروڈ یونیورسٹی کے پروفیسر اور تجربہ کار سفارتکار نکولس بزنز کو چین میں امریکی سفیر نامزد کر دیا ہے۔65 سالہ بزنز اس وقت ہارورڈ یونیورسٹی کے کینیڈی سکول آف گورنمنٹ میں بین الاقوامی تعلقات کے پروفیسر ہیں۔ بزنز 2001ء سے 2005ء تک نیٹو میں امریکی سفیر رہے۔ اس سے قبل وہ محکمہ خارجہ کے ترجمان اور یونان میں سفیر کے طور پر خدمات انجام دے چکے ہیں۔