المصطفیٰ ہسپتال ڈھڈیال عوام کیلئے ایک نایاب تحفہ 

کراچی(این این آئی)سرپرست اعلیٰ المصطفیٰ ویلفیئر سوسائٹی سابق وفاقی وزیرپیٹرولیم ڈاکٹر حاجی محمدحنیف طیب سے سابق چیف ایئرمارشل سہیل امان،ایئرمارشل سید اطہرحسین بخاری، ایئروائس مارشل اقبال حیدرنے المصطفیٰ ہسپتال ڈھڈیال (ضلع مانسہرہ )میں ملاقات کی ۔ سہیل امان نے کہاکہ مخیر حضرات کے تعاون سے ڈھڈیال میں المصطفیٰ ہسپتال کاقیام یہاں کی عوام کیلئے ایک نایاب تحفہ ہے۔مخلوق خداکی خدمت کرناایک عظیم عبادت ہے یہ فریضہ المصطفیٰ ویلفیئر سوسائٹی حاجی حنیف طیب کی سربراہی میں پوری دیانتداری ،ایمانداری ،محنت ولگن سے نبھارہے ہیں۔ہسپتال کے قیام ان کی ناقابل فراموش خدما ت پر حاجی حنیف طیب اوران کی ٹیم کو مبارک پیش کرتاہوں ۔انہوںنے کہاکہ المصطفیٰ کی خصوصیات یہ بھی ہے کہ ڈھڈیال ہسپتال کے افتتاح میں اِن کے رضاکاراوگی،مظفرآباد،ایبٹ آباد،ہری پوردیگرعلاقوں سے آئے تھے یہ نظر آرہاتھاکہ انسانیت کی خدمت کیلئے پُرجوش ہیں،ضرورت اس بات کی ہے کہ تعلیمی اداروں میں تعلیم کے ساتھ تربیت کا بھی انتظام کیاجاناچاہیے اورنوجوانوں کوسماجی خدمت کرنے کیلئے شعوردیاجائے۔حاجی حنیف طیب نے المصطفیٰ ویلفیئرسوسائٹی ملک گیر خدمات کے حوالے سے آگاہ کیااورالمصطفیٰ ہیڈآفس کراچی دورہ کی دعوت دی ۔ بعدازاں مہمانوں نے ہسپتال کے مختلف شعبہ جات کا معائنہ کیا۔