عمران کی سہولتوں میں اضافہ، جیل مینوئل سے ہٹ کر ناشتہ ملنے لگا 

اٹک (نوائے وقت رپورٹ) سابق وزیراعظم و پاکستان تحریک انصاف (پی ٹی آئی) کے چیئرمین عمران خان کی اٹک جیل میں سہولیات میں اضافہ کر دیا گیا۔ جیل ذرائع کے مطابق عمران خان کو جیل مینوئل سے ہٹ کر کھانا ملنے لگا۔ علی الصبح چیئرمین پی ٹی آئی کو بیرک سے نکل کر جیل احاطے میں واک کی بھی اجازت ہے۔ عمران خان کو جیل مینوئل سے ہٹ کر ساڑھے 11 بجے ناشتہ ملنے لگا اور انہیں روزمرہ کی بنیاد پر پھل بھی دئیے جا رہے ہیں۔ چیئرمین پی ٹی آئی کی بیرک 2/1 تبدیل کر کے بیرک نمبر 3 الاٹ کر دیا گیا۔ جیل ذرائع کے مطابق عمران خان کی جیل میں تاحال شیو بڑھی ہوئی ہے۔ شیونگ کٹ فراہم کی گئی لیکن انہوں نے استعمال نہیں کی۔ 
عمران سہولیات