لاہور(نامہ نگار)پنجاب پولیس میں کانسٹیبل سے ایس پی رینک تک مزید پروموشنز کی تیاری، آئی جی پنجاب ڈاکٹر عثمان انور نے مختلف یونٹس میں 3500خالی سیٹوں پر ترقی کا عمل یقینی بنانے کے پروموشن بورڈ کے اجلاس منعقد کرنے کا حکم دیدیا۔ انہوں نے تمام ریجنل و یونٹس سربراہان کو چند روز میں پروموشن بورڈ کے اجلاس منعقد کرنے کی ہدایت کرتے ہوئے کہا کہ گذشتہ ڈیڑھ سال میں 22ہزار سے زائد پولیس افسران و اہلکاروں کو اگلے عہدوں پر ترقی دی گئی۔ 12 ہزار سے زائد کانسٹیبلز بھرتی کئے گئے، پنجاب ہائی وے پٹرول پولیس میں 260ملازمین کو اگلے رینک میں ترقی دی گئی، 449اے ایس آئیز کو چنددنوں میں سب انسپکٹرز کے رینک پر پروموٹ کر رہے ہیں۔