اینٹی نارکوٹکس فورس‘ 70 کروڑ کی 37 کلو سے زائد منشیات برآمد‘ 15 ملزم گرفتار

لاہور(نامہ نگار)اینٹی نارکوٹکس فورس نے منشیات سمگلنگ کیخلاف 10 مختلف کارروائیاں کیں۔ترجمان اے این ایف کے مطابق مختلف کارروائیوں میں 70 کروڑ روپے کی 37 کلو سے زائد منشیات برآمد کرکے 15 ملزمان کو گرفتار کرلیا گیا۔اسلام آباد ائیرپورٹ پر نائیجیریا سے آنیوالے مسافر سے 7.5 کلو ویڈ، پشاور ائیرپورٹ پر قطر جانیوالے مسافر سے 980 گرام آئس، کراچی ائیرپورٹ پر قطر جانے والے مسافر سے 402 گرام آئس اور لاہور ائیرپورٹ سے سعودی عرب جانیوالے مسافر سے 150 گرام نشہ آور گولیاں برآمد ہوئیں۔ جی ٹی روڈ نوشہرہ پر 2 ملزمان سے 2.4 کلو افیون، 6 کلو ہیروئین، 1.2 کلو چرس اور 3 کلو آئس، ایم ون اسلام آباد پر 4 ملزمان سے 140 گرام افیون، 150 گرام ہیروئین، 1.2 کلو چرس اور 1.1 کلو آئس برآمد ہوئی۔