خواجہ اویس ویلفیئر فائونڈیشن کا چیئرمین المصطفیٰ ویلفیئر ٹرسٹ کے اعزازمیں استقبالیہ  

موڑکھنڈا(نامہ نگار) خواجہ اویس ویلفیئر فائونڈیشن موڑ کھنڈا ضلع ننکانہ کے بانی و صدرخواجہ نورالزمان اویسی المعروف چن پیر کی جانب سے چیئرمین المصطفیٰ ویلفیئر ٹرسٹ عبدالرزاق ساجد کی فلاحی خدمات کے اعتراف میں فلیٹیز ہوٹل لاہور میں استقبالیہ دیا ۔خواجہ نورالزمان اویسی نے خطبہ استقبالیہ میں چیئرمین المصطفیٰ ویلفیئر ٹرسٹ پاکستان عبدالرزاق ساجد کی پاکستان سمیت دیگر ممالک خصوصآ غزہ میں فلاحی خدمات پر خراج تحسین پیش کیا۔ مہمان خصوصی عبدالرزاق ساجد نے خیالات کا اظہار کرتے ہوئے کہا ان کی زندگی کامشن ہی انسانی و سماجی فلاح و بہبود ہے دنیا کے 22 ممالک میں المصطفیٰ ویلفیئر ٹرسٹ مختلف شعبوں میں خدمات انجام دے رہی ہے۔ فلسطین کے مسلمانوں کو میڈیکل اور دیگرسہولیات بہم پہنچانے کیلئے عالمی ادارہ ریڈ کراس نے المصطفیٰ ویلفیئر ٹرسٹ کی خدمات کا اعتراف کرتے ہوئے قابل تحسین قرار دیا ہے۔ عبدالرزاق ساجد نے بانی خواجہ اویس ویلفیئر فائونڈیشن کو یقین دہانی کرائی المصطفیٰ ویلفیئر ٹرسٹ، خواجہ اویس ویلفیئر فائونڈیشن کی بھرپور معاونت کریگا۔ تقریب سے محمد نواز کھرل ، اسلم حیات ،اکمل اویسی،ڈاکٹر سرفراز سید،امانت علی زیب،ڈاکٹر اسحاق رحمانی،رائوارتضی اشرفی،منشا قادری ،مفتی حسیب قادری،ملک محبوب رسول نے بھی خطاب کیا ۔