نوشہرہ ورکاں (نامہ نگار)بے نظیر انکم سپورٹ پروگرام سے لاکھوں خاندانوں کے گھروں کا چولہا جل رہا ہے ذوالفقار علی بھٹو،بے نظیر بھٹو شہید نے معاشرے کے غریب ،مزدور اور پسماندہ  طبقات کے تحفظ اور حقوق کے لیے عملی جدو جہد کی۔ چوہدری مالک ورک تفصیلات کے مطابق پاکستان پیپلز پارٹی کے ٹکٹ ہولڈر برائے حلقہ این اے 81چوہدری محمد مالک ورک ایڈووکیٹ نے بے نظیر انکم سپورٹ پروگرام کے مقامی دفتر کا دورہ کیا۔ جہاں انھوں نے ڈپٹی ڈائریکٹر بے نظیر انکم سپورٹ پروگرام تحصیل نوشہرہ ورکاں شہزاد جمال سے ملاقات کی اس موقع پر شہزاد جمال نے ان کو بے نظیر انکم سپورٹ پروگرام کے بارے میں بریفنگ دی۔   پیپلز پارٹی کی شہید چیئرپرسن  دختر مشرق  پاکستان کی تاریخ کی پہلی خاتون وزیراعظم بے نظیر بھٹو شہید نے ساری زندگی پسے ہوئے طبقے کو اوپر لانے کے لیے جدو جہد کی ۔