لاکھوں کے ڈاکے، ڈاکو قیمتی اشیاء لے کر فرار، 4 کاریں 8 موٹرسائیکل چوری  

لاہور (نامہ نگار) چوری و ڈکیتی کی وارداتوں میں متعدد شہریوں سے لاکھوں روپے زیورات، موبائل فون، موٹر سائیکلیں، گاڑیاں اور دیگر سامان لوٹ لیاگیا۔ ڈاکوؤں نے نشتر کالونی میں ریحان کے گھر اہلخانہ کو گن پوائنٹ پر یرغمال بنا کر6لاکھ 46 ہزار روپے، زیورات، موبائل فون اور دیگر سامان، نواب ٹاؤن میں تنویر اور اس کی فیملی سے ساڑھے 3 لاکھ روپے، زیورات اور موبائل فون، مغلپورہ میں عنصر سے 70 ہزار روپے اور موبائل فون، ساندہ میں وقار سے61 ہزار روپے اور موبائل فون، رائیونڈ میں سلیم سے گن پوائنٹ پر 80ہزار روپے اور موبائل فون، ساندہ میں جبار سے گن پوائنٹ پر37ہزار روپے اور موبائل فون، مصری شاہ میں طارق سے گن پوائنٹ پر 23ہزار روپے اور موبائل فون، پرانی انارکلی میں صغیر سے 18 ہزار روپے اور موبائل فون، سبزہ زار میں امجد سے 11 ہزار روپے اور موبائل فون، لٹن روڈ کے علاقے میں عرفان سے 2 ہزار روپے اور موبائل فون لوٹ لیا اور فرار ہو گئے ہیں۔ چوروں نے ٹاؤن شپ میں احدکے گھر گھس کر ساڑھے5 لاکھ روپے، زیورات اور دیگر سامان چوری کر لیا۔ اقبال ٹاؤن، ڈیفنس، گرین ٹاؤن اور باغبانپورہ میں سے 4 کاریں جبکہ ہنجروال، ریس کورس، ٹبی سٹی، بھاٹی گیٹ، شاہدرہ ٹاؤن، مزنگ، اسلام پورہ اور قائداعظم انڈسٹریل اسٹیٹ کے علاقوں میں سے8 موٹر سائیکلیں چوری کر لی گئیں۔