لاہور(سپورٹس رپورٹر) بھارتی خاتون فائٹر باکسر خوشبو نشاد نے کہا ہے کہ پاکستان سے متعلق ان کی سب غلط فہمیاں دور ہوگئیں۔لاہور میں ہونے والی مکسڈ مارشل آرٹس ایشین چیمپئن شپ میں۔ میچ کے بعد میڈیا سے گفتگو کرتے ہوئے خوشبو نے کہا کہ پاکستان کی میزبانی بہت اچھی ہے، یہاں کے لوگ بہت اچھے ہیں جیسے ہم نے سنا تھا ویسا بالکل نہیں ہے۔ یہاں کے لوگ بہت خوش مزاج اور بہت مددگار ہیں، بھارت میں پاکستان سے متعلق غلط باتیں ہوتی ہیں کہ پاکستان بہت خطرناک ملک ہے، جب یہاں آکر دیکھا تو میری سب غلط فہمیاں دور ہوگئیں۔ جیسے بھارت میں محفوظ محسوس کررہی تھی ویسے ہی یہاں پر بھی محسوس کررہی ہوں، سنا تھا یہاں لڑکیوں کو کافی دبا کر رکھا جاتا ہے ، ایسا نہیں ہے لڑکیاں یہاں محفوظ رہتی ہیں، پاکستان بہت اچھا ملک ہے۔