افغانستان: ایساف کا ڈرون صوبہ ننگرہار میں گر کر تباہ

 کابل(آئی اےن پی) افغانستان کے صوبے ننگر ہار میں ایساف کا ڈرون گرکر تباہ ہوگیا، عینی شاہدین کے مطابق طالبان ڈرون کا ملبہ گاڑی میں اٹھاکر لے گئے۔غیرملکی خبر رساںادارے کے مطابق کابل سے جاری بیان میں ایساف حکام نے ڈرون صوبے ننگرہار میں گرنے کی تصدیق کی ہے۔ رپورٹ کے مطابق عینی شاہدین کے مطابق ڈرون ننگرہارکے ضلع بٹی کوٹ میں گرکر تباہ ہوا۔ ڈرون جیسے ہی گرا۔ طالبان ملبہ گاڑی میں ڈال کر لے گئے۔ طالبان ترجمان ذبیح اللہ مجاہد نے تصدیق کہ کہ ڈرون کا ملبہ طالبان مجاہدین نے نامعلوم مقام پر پہنچا دیا۔