لا ہور/ فیروزوالا (نامہ نگاران) ٹریفک حادثات میں لڑکے سمیت 3 افراد جاں بحق، 15 زخمی ہوگئے۔ بتایا جاتا ہے کہ ٹھوکھر نیاز بیگ کا رہائشی25سا لہ طاہر، شاہدرہ ٹائون کے علاقے میں امامیہ کالونی میں موٹر سائیکل پرجارہا تھا کہ تیز رفتار کار نے اسے ٹکر ما ردی۔ جس سے طاہر موقع پر ہی ہلاک ہوگیا جبکہ کارڈرائیور فرار ہوگیا۔ لاہور روڈ کی آبادی بدو پلی نہر کے قریب تیز رفتار ٹریکٹر ٹرالی نے سائیکل سوار دس سالہ لڑکے شاہ زیب کو روند ڈالا جو شدید زخمی ہوگیا جسے طبی امداد کے لئے ہسپتال لایا گیا، جہاں وہ دم توڑ گیا۔ لاہور روڈ پر ویگن بے قابو ہو کر کار کو بچاتے ہوئے الٹ کر گہرے کھڈ میں جا گری، جس کے نتیجے میں چار عورتوں سمیت پندرہ افراد زخمی ہوگئے۔ کالا خطائی روڈ پر تیز رفتار بس کی زد میں آکر ایک شخص ہلاک ہوگیا۔ حادثہ کے بعد ڈرائیور فرار ہوگیا۔