میلبورن (سپورٹس ڈیسک )سابق آسٹریلین ٹیسٹ کرکٹر مائیکل ہسی نے عندیہ دیا ہے کہ مصباح الحق میلبورن میں آسٹریلیا کیخلاف دوسرے ٹیسٹ میچ میں عمدہ کارکردگی کا مظاہرہ کریں گے اور اپنی ٹیم کا حوصلہ بڑھائیں گے۔ میرے خیال میں مصباح میلبورن میں مصباح بہترین کھیل پیش کر سکتے ہیں۔ مجھے امید ہے کہ وہ باکسنگ ڈے کے نام سے مشہور ٹیسٹ میچ میں اپنی اور ٹیم کی کارکردگی بہتر کریں گے۔ باکسنگ ڈے ٹیسٹ میں کھیلنا ہمیشہ یادگار امر رہا ہے اور یہ میچ کھیل کر ہر کرکٹر اپنا بچپن کا خواب پورا کرتا ہے جہاں آپ کرسمس کے فوری بعد اگلی صبح ایک اہم میچ کیلئے میدان میں اترتے ہیں جسے دیکھنے کیلئے تماشائیوں کی بڑی تعداد سٹیڈیم کا رخ کرتی ہے۔ سیم باؤلرز نے اگر صحیح جگہ باؤلنگ کی تو انہیں میلبورن کی وکٹ سے مدد ملے گی اور بلے بازوں کو رنز بنانے کیلئے محنت کرنا پڑے گی۔ یادگار لمحے ذکر کرتے ہوئے کہا کہ شین وارن کی 700ویں وکٹ سب سے یادگار لمحہ تھا۔ وہ انتہائی یادگار لمحہ تھا، میں شارٹ لیگ پر کھڑا تھا اور ہم سب شین وارن کو پکڑنے کی کوشش کر رہے تھے اور اس وقت شائقین کا شور بہت شاندار تھا۔