ویزا ختم ہونے کے بعد بھی قیام، درگاہ اجمیر شریف کے گدی نشین بلال چشتی کو بھارت واپس جانے سے روک دیا گیا

لاہور (آن لائن) اجمیر شریف کے گدی نشین پیر بلال چشتی کو بھارت واپس جانے سے روک دیا گیا۔ پیر بلال چشتی لاہور سے دہلی جانے والی ایک پرواز کے ذریعے واپس بھارت جانے کے لئے علامہ اقبال ائیرپورٹ پر پہنچے تو انہیں بتایا گیا کہ پاکستان میں ان کی ویزے کی میعاد 17 دسمبر کو ختم ہوچکی ہے جس پر پیر بلال چشتی ائیرپورٹ سے باہر آگئے اور فون کے ذریعے اعلیٰ حکام کو معلومات فراہم کرتے رہے۔