حضرو(نمائندہ نوائے وقت) حضرو کے نواحی گائوں شمس آباد میں کمرے میں گیس بھر جانے سے دلہن جاں بحق ،دولہا بے ہوش ،تفصیلات کے مطابق نواحی گائوں شمس آباد کے رہائشی 25سالہ ضیاء الرحمن کی 8روز قبل 21سالہ (ط) سے شادی ہوئی تھی گذشتہ رات شدید سردی کی بدولت دونوں میاں بیوی نے سوئی گیس کا ہیٹر آن کر کے سو گئے صبح جب بیدار نہ ہوئے تو اہلخانہ کو تشویش ہوئی جنہوں نے دروازہ توڑ کر دیکھا تو دونوں میاں بیوی بے ہوش پڑے ہوئے تھے ان میں سے دلہن زندگی کی بازی ہار چکی تھی جبکہ دولہا کو بے ہوشی کی حالت میں مقامی ہسپتال منتقل کر دیا گیا حادثاتی موت کی وجہ سے علاقے کی فضا سوگوار ہو گئی ۔