سکھر(بیورورپورٹ)پاکستان مسلم لیگ ن صوبہ سندھ کے صدر شاہ محمد شاہ نے کہا ہے کہ ملک کو لوٹنے والے سیاستدان نہیں بلکہ خلائی مخلوق ہے ان خیالات کا اظہار انہوں نے پاکستان مسلم لیگ ن کی مرکزی رہنما مریم نواز کی سکھر آمد اور ورکرز کنونشن میں شرکت اور استقبال کی تیاریوں کے حوالے سے پی ایم ایل ن سکھر، ، لاڑکانہ نوابشاہ  ڈویژن کے اہم اجلاس سے خطاب میں کیا اس موقع پر ضلع سکھر کے صدر خورشید احمد میرانی دیگر اضلاع کے ذمہ داران بھی موجود تھے انہوں نے کہا کہ مریم نواز شریف کا سکھر انٹر چینج پر ہزاروں نہیں بلکہ لاکھوں کی تعداد میں کارکنان والہانہ استقبال کرینگے اور انہیں قافلے کی صورت میں ورکرز کنونشن تقریب میں لایا جائیگا کنونشن سے خطاب کے بعد وہ رات کو سکھر میں قیام کریگی اور 27دسمبر کو کارکنان کے ہمراہ گڑھی خدا بخش روانہ ہوگی اورپی پی کے چیئرمین بلاول بھٹو زردری کی جانب سے ظہرانے اور بعد ازیں پی پی شہید محترمہ بے نظیر بھٹو کی برسی تقریب میں شرکت کریگی ۔