اسلام آباد(نمائندہ نوائے وقت)کراچی کے قریب سمندر میں بین الاقوامی سب میرین کیبلز میں سے ایک میں خرابی کی اطلاع ملی ہے جس کی وجہ سے وقفے وقفے سے کچھ انٹرنیٹ ٹریفک متاثر ہوئی ہے۔ تاہم، صارفین کو بلاتعطل انٹرنیٹ خدمات فراہم کرنے کے متبادل انتظامات متعلقہ سروس فراہم کنندگان کی طرف سے اضافی بینڈوڈتھ اور ضروریات کو پورا کرنے کی کوشش کی جارہی ہے،خرابی کو دور کرنے کے لیے کام جاری ہے جس کو دور کرنے میں کچھ وقت لگ سکتا ہے۔ پاکستان ٹیلی کمیونیکیشن اتھارٹی (پی ٹی اے)نے آپریٹرز کو متبادل راستوں سے بلاتعطل انٹرنیٹ سروسز کو یقینی بنانے کی ہدایت کی گئی ہے۔