لاہور ( کلچرل رپورٹر) ایگزیکٹوڈائریکٹر الحمراء ذوالفقار علی زلفی نے کہا ہے کہ فنون لطیفہ میں نئے ٹیلنٹ کو تلاش کرنا،نوجوانوں کے ہنر کو نکھارنا اور انہیں عملی میدان میں بھر پور مواقع حاصل کرنے کے لئے نئی راہیں فراہم کرنا ہماری ذمہ داری ہے جیسے نہایت احسن انداز میں پورے کر رہے ہیں،الحمراء لائیو اس کاوش کی ایک اہم شاخ ہے۔ ذوالفقار علی زلفی نے ان خیالات کا اظہار الحمراء لائیو کی نئی نشست کے انعقاد کے حوالے سے اپنے تاثرات میں کیا۔