لاہور(سپورٹس رپورٹر)انگلینڈ کے ہاتھوں ٹیسٹ سیریز میں شکست پر قومی کرکٹر سعود شکیل نے غلطی کو تسلیم کرلیا۔انہوںنے کہا کہ میرا نہیں خیال کہ کوئی بھی کھلاڑی خود غرض کرکٹ کھیلتا ہے، میں یا بابر کبھی بھی یہ نہیں چاہیں گے کہ ہم 50 کے بعد آؤٹ ہوجائیں، یہ بات نہیں ہے کہ ہم خود غرض کرکٹ کھیلیں لیکن ہم سے غلطیاں ہوئی ہیں لیکن ہم اس چیز کو تسلیم کرتے ہیں۔ میں مانتا ہوں کہ دوسری اننگز میں کپتان اور میں لوز شاٹ کھیل کر آؤٹ ہوگئے، ہماری پارٹنر شپ اچھی جارہی تھی اگر ہم کھیلتے رہتے تو اچھا ٹارگٹ سیٹ کرسکتے تھے لیکن ایسا نہ ہوسکا۔