فتح جنگ ( نامہ نگار) بین الصوبائی شاہراہ فتح جنگ کوہاٹ روڈ پر جعفر بس سٹاپ کے قریب ڈمپر ٹرک اور تیز رفتار ہائی ایس مسافر ویگن کے درمیان خوفناک تصادم ہوا جس کے نتیجے میں ہائی ایس بری طر ح تباہ ہوگئی اور اس میں سوار چار سالہ بچی زینب دختر عامر سکنہ راولپنڈی موقع پر ہی جاں بحق ہو گئی جبکہ ہائی ایس ویگن میں سوار 6خواتین سمیت سولہ افراد شدید زخمی ہو گئے ہائی ایس ویگن راولپنڈی سے کوہاٹ جا رہی تھی تمام زخمی ہونے والے مر د وخواتین کو ریسکیو 1122کی ایمبولنسز میں تحصیل ہیڈ کوارٹرز ہسپتال فتح جنگ منتقل کر دیا گیا جہاں سے 4شدید زخمیوں کو حالت تشویش ناک میں راولپنڈی کے ہسپتال ریفر کردیا گیا دریں اثناء بہادر ہوٹل کے قریب 2سائیکلوں کے درمیان تصادم کے نتیجے میں دونوں موسائیکل سوار افضل ساکن گلیال اور نزاکت ڈھوک بصیرہ داخلی بھال سیداں بھی شدید زخمی ہوگئے دونوں زخمیوں کو تشویشناک حالت کے باعث راولپنڈی کے ہسپتال ریفر کردیا گیا ۔ دریں اثناء فتح جنگ کے گائوں حطار میں نامعلوم ملزمان نے 35 سالہ خاتون ن ب دختر کالا خان زوجہ مظفر کو فائرنگ کر کے قتل کر دیا حطار کے نمبردار کی اطلاع پر پولیس تھانہ فتح جنگ کے ایس ایچ او سیدمظہر حسین شاہ ، اے ایس آئی سرفراز احمد،ایچ آئی یو کے اے ایس آئی ملک ممریز بھاری نفری کے ہمراہ موقع پر پہنچ گئے اور نعش قبضے میں لیکر پوسٹمارٹم کیلئے تحصیل ہیڈ کوارٹرز ہسپتال فتح جنگ منتقل کر دی گئی جہاں سے پوسمارٹم کے بعد نعش ورثا ء کے حوالے کردی گئی پولیس کی ٹیم شواہد اکٹھے کر کے تفتیش میں مصروف ہے۔